思想

来自维基百科
蹦到: 导航搜寻
思想中。若塞·費爾拉茲·德·阿爾梅達·茹尼奧爾所畫个「書搭一個小娘」。

思想可以指一般想法,或是在思考當中對各想法所作个組織。雖然思想是人類个基本活動,但對於思想是由啥構成,以及思想个產生方式,還嘸沒一致个看法。簡單來講,思想可以視爲自發个或是有意向个思考行爲之產物或結果。

由於思想是交關人類行爲搭交互作用个基礎,葛咾對其物理搭形而上學个起源、過程搭效果个了解,一徑儕是多個學科个長期目標,包括心理學神經科學哲學人工智能生物學社會學認知科學等。

思考可以讓人類認知、詮釋、描述或模型化其體驗个周遭世界,並作出關於世界个預測。

思考过程[编辑]

思考是高级个心理活动形式,人脑信息个处理包括分析抽象综合概括、对比系统个搭具体个过程。昰排是思想頂基本个过程。

  • 分析:分析是擔一隻事件个整体分解为各個部分,并擔昰個整体事件个各個属性儕单独个分离开个过程。
  • 综合:综合就是分析个逆向过程,佢是擔事件裏向个各個部分、各個属性儕结合起来,形成一個整体个事件。
  • 抽象:抽象是擔事件个共有个特征,共有个属性儕抽取出来,并对与其弗同个,弗能反映其本质个内容进行捨棄。
  • 概括:概括是以比较作为其前提条件个,比较各种事件个共同之处以及弗同之处,并对其进行同一归纳。

以上几种大概包含仔思想过程个基本形式。

种类[编辑]

思维个种类大概包括动作思维形象思维词語思维无声思维通讯思维指导性思维创造性思维,发散思维,聚合思维,联想思维,创新思维,系统化思维等。

哲學[编辑]

沉思者个原始塑像,垃拉巴黎羅丹美術館
在昰眼發人深省个辰光裏向頂頂發人深省个是啥?是我伲還弗思考。[1] – 馬丁·海德格爾

哲學裏向个現象學運動看到了對思想了解方式个根本改變。馬丁·海德格爾在其著作《存在與時間》對於人个生存結構个現象學分析,對於思想有新个見解,也改變仔傳統个認知或是理性詮釋,昰點儕是我伲了解思想个方式。昰種有關非認知性了解个基礎角色,形成了1970到1980年代有關人工智慧个相關討論[2]

不過現象學弗是現代西方哲學裏向唯一探討思想个學科。精神哲學哲學中个一個分支,探討有關心靈、心靈事件、心靈功能、意識及其在身體(特別是大腦)中个關係。心物問題一般視爲精神哲學个核心議題,弗過也有其他論點認爲咾,心靈个本質仔搭其搭身體之間个關係無關[3]

生物學[编辑]

神經元神經系統裏向可畀激动个細胞,可以用電化學个訊號來處理或是傳遞資訊。神經元是部、脊椎动物脊髓无脊椎动物个腹神經索及其他週邊神經个主要組成部份。也有一些特殊功能个神經元:感覺神經元可以感知觸碰、聲音、光線及其他會影響感覺系統个刺激,並擔訊號送到中樞神經及腦部。運動神經元接收腦部及中樞神經个訊號,並影響腺體或使肌肉收縮。中間神經元連接神經元及中樞神經(或是腦部)。神經元回應刺激,擔刺激轉換爲訊號送到中樞神經系統,中樞神經系統處理後送出回應訊號畀身體个其他部位。

心理學[编辑]

心理學家擔思考視爲是心智上个努力,目的是爲仔尋出一個疑問个答案或是解決一個實務上个問題認知心理學是心理學个一個分支,主要在探討在問題解決、記憶或是語言使用辰光个內在心智過程。認知主義認爲學習者透過認知過程,擔各種資料加以儲存及組織,形成知識結構,其理論基礎是馬科斯·韋特墨沃爾夫岡·苛勒科特·考夫卡開始个格式塔學派[4]以及讓·皮亞傑在兒童認知發展上个研究。

精神分析学[编辑]

精神分析学裏向,西格蒙德·弗洛伊德定義了本我自我超我三種心理結構。依昰種理論來看,嘸沒組織个本能趨勢是「本我」,心理中有組織个部份是「自我」,而批判及道德个部份是「超我」[5]

相關條目[编辑]

資料來源[编辑]

  1. Martin Heidegger, What is Called Thinking?
  2. Dreyfus, Hubert. Dreyfus, Stuart. Mind Over Machine. Macmillan, 1987
  3. Kim, J.(1995).Honderich, Ted 编:Problems in the Philosophy of Mind. Oxford Companion to Philosophy.Oxford:Oxford University Press. 
  4. Gestalt Theory, By Max Wertheimer, Published by Hayes Barton Press, 1944, ISBN 978-1-59377-695-4, ISBN 978-1-59377-695-4
  5. Snowden, Ruth(2006).Teach Yourself Freud,illustrated,McGraw-Hill. 

参考文献[编辑]

  • Gleitan H.,psycholgy,ch.9 norton & company,1981.
  • Zimbardo p.,psycholgy and life,chapter10,illinois:scott,forse-man and company,1985年。
  • 克雷奇等著,周先庚等译(心理学纲要),文化教育出版社,1981年
  • 杰拉尔德温伯格著,张佐等译. 系统化思维导论. 清华大学出版社,2003年.
  • 黃學誠著 思考力密碼,方向出版社,2009年.