徐虎

徐虎（1950年12月17号生），上海人，中华人民共和国个一名劳动模范，拉20世纪90年代畀人熟知。

经历

1950年12月17号，徐虎生勒上海市嘉定县长征乡（难朝个普陀区长征镇），爷娘侪是本地农民。初中毕业以后，1968年徐虎回到长征公社第七队种地。1975年因为征地招工，徐虎调进上海市普陀区房管局中山北路房管所当水电工。1986年4月份徐虎入党。

1984年，徐虎获上海市优秀社会服务工作者一等奖。1996年4月18号，人民日报、新华社等多家中国媒体拉头版头条等重要位置大篇幅介绍徐虎个事迹。