徐汇滨江地区

从前滩看徐汇滨江

徐汇滨江地区，勒拉上海市黄浦江发展轴南端，贴壁是世博园区搭仔徐家汇商圈、南站商圈。目前，徐汇滨江地区里向规划或造好上海绿地中心等商业地产项目搭仔高档住宅项目。西岸建筑与当代艺术双年展搭上海西岸音乐节也勒拉箇面举办。徐汇区黄浦区交界处个瑞宁路还有徐汇滨江规划展示中心。

历史

徐汇滨江一度是工业基地，边浪有1907年造个南浦火车站、1917年造个龙华机场、1920年造个上海水泥厂、1929年造个北票码头搭仔1948年造个上海永新化学工业股份有限公司。1980年代初，运-10就勒拉徐汇滨江上海飞机制造厂基地试飞成功。後些来，徐汇滨江个工厂陆续搬勒跑。2022年9月30号，徐汇滨江8.4公里景观大道全线贯通。