形容詞

出自维基百科,自由个百科全书

形容詞是種词类。根本特点是自由用作定语修饰名词或名词性短语。来拉语义高头,形容词多数表示性质、状态、属性、描述等含义。

普遍性[编辑]

比起名词动词,形容词本身个词类地位顶弗确定。虽然形容词所表示个意义——所指对象个属性——任何语言里侪有词语来表示,属于普遍性个语义范畴,但箇个弗代表渠是普遍性个词类范畴。

交关类型学家看来,弗少语言里呒没独立个形容词类:虽然存在表示其他语言中形容词类语义(即表示某种属性)个词语,外加可以修饰、限制名词,但是箇眼词语难以成为一隻独立个词类。譬方南美洲印第安人克丘亚语就好认为是名-形一体个语言,而印度个曼尼普尔语是动-形一体个。

威廉·克罗夫特搭罗伯特·迪克逊认为,名词、动词、形容词三大词类搭人类语言指称、述谓、修饰三大普遍性功能相适应,侪是普遍性独立词类。但同时也承认,形容词个普遍性是指该原型范畴普遍存在,具体语言里向,形容词搭别样词类个边界确实可以邪气模糊。

搭名词个分化[编辑]

搭动词个分化[编辑]

判断标准:

  1. 弗好直接作谓语;
  2. 可以直接作定语(弗包括动词性成分搭小句)。

满足两者好讲动-形高度分化,侪弗满足就是动-形低度分化,满足1弗满足2算动-形中度分化(渠眼形容词叫“近动形容词”)。

汉语“形容词”[编辑]

汉语从古至今是动-形一体个语言,形容词是动词一隻次类,两者可以合称“谓词”。

別樣[编辑]