张格尔

吴语维基百科,自由个百科全书
跳到导航 跳到搜索

张格尔维吾尔语جهانگیر خوجا‎ Jahanghir Khoja;1790年-1827年),是清朝统治辰光,新疆白山派和卓波罗尼都个孙子、薩木薩克个二儿子。搭交关内亚野心家一样,伊也出生来勒满洲帝国个统治范围之外,伊是来勒浩罕汗国长大个。“張格爾”这三个字是波斯语个音译,意识是“征服世界个人物”。

生平[编辑]

早年来勒内亚个喀布尔学习回教教义,来勒迭个辰光,开始搭英国間諜接触。伊有政治野心,准备回新疆恢復伊祖先阿帕克和卓辰光个回教神权統治。来勒嘉庆廿五年(1820年),伊三次潛入塔里木地区,發動叛亂,张格尔搭浩罕國王商定,事成之後,让浩罕占领天山南路个喀什嘎尔(今喀什市),同时,平分喀什噶爾等城个回教人口搭財產。

作乱[编辑]

道光四年八月廿二日(1824年10月14日),张格尔带七十几个匪徒,袭击乌鲁克、图木舒克卡伦,弗过老快被清朝军队击败。张格尔到周边地区流窜。道光六年(1826年),张格尔发动規模最大个一次叛乱,伊以禮拜其祖先个麻札(墳墓)作为名号,利用穆斯林对信奉佛教个满洲皇帝敌视情绪,煽动宗教性质个叛乱,老快就占领喀什噶尔(今喀什)、英吉沙尔(今英吉沙)、叶尔羌(今莎车)、和闐(今和田)等地。张格尔为蛊惑穆斯林,还派人编写传单,讲伊哪能仁慈、哪能宽厚。还写诗文:但见其一面,即两世受福,但饮其杯茗,即百虑皆忘。当地个老百姓被伊蛊惑,侪舍命舍财来迎接迭个“神仙”。張格尔占领喀什噶爾之后,英国人派出間諜二十餘人充當顾问,訓練伊个回回部队,同时提供援助。

伏法[编辑]

满洲帝国晓得张格尔个叛乱后,命伊犁将军长龄搭陝甘總督杨遇春、山東巡撫武隆阿、擴肅提督齊慎等,率领吉林、黑龍江、陝西、甘肅、四川个清軍三万多人,来勒阿克苏集中,迅速南下,攻克喀什噶爾等城。到道光八年(1828年)初,張格尔率領五百騎兵來襲,中途被发觉,只好反向奔逃。杨芳伊薩克等人急馳跟牢伊一晝夜,張格尔窜到喀爾鐵蓋山,只剩三十几个人还没跑,伊匍匐登山。被杨芳个副將胡超段永福伏击,被生擒,解至北京,来勒午门凌迟杀脱。

参考资料[编辑]