干将莫邪

吴语维基百科,自由个百科全书
跳到导航 跳到搜索

干将搭莫邪是两个著名个铸剑师,也是两把名剑个名字,出现勒春秋时代。

干将[编辑]

干将是春秋末著名个冶匠,相传是吴国人,搭欧冶子同师,善于铸造兵器。曾经帮吴王阖闾作剑,“采五山之铁精,六合之金英”,金铁弗销,俚个家子婆莫邪断发剪爪,投入冶炉,然后“金铁乃濡”,成剑两柄,就叫俚哚干将、莫邪。

莫邪[编辑]

莫邪是春秋时代吴国人,干将个家子婆。吴王阖闾命令干将铸剑,但不过铁汁弗下,莫邪就问干将:“铁汁弗下,哪哼办?”干将回答说:“以前个铸剑大师欧冶子铸剑,铁汁弗下,就让女人做炉神,一歇歇就成功哉。”莫邪听之过后,就窜入火中;马上铁汁就流出来哉,就铸成之两把利剑,雄个叫“干将”,雌个叫“莫邪”。现在个人经常用“干将”、“莫邪”来比喻锋利精美个剑。

纪念[编辑]

为之纪念莫邪搭干将个爱情,浙江德清有以俚哚夫妻名字命名个莫干山,是中国四大避暑胜地之一。

苏州有以俚哚名字命名个干将路搭莫邪路。