帛尸梨蜜多罗

帛尸梨蜜多罗是从西域来个人，伊迭只名字梵文是（IAST：Srimitra)，伊还有只中文名字叫「吉友」。我伲中国人勿晓得伊是阿里一年生个，只晓得伊圆寂勒东晋个咸康年间(公元343年)，大约莫活到八十多岁。

简介

帛尸梨蜜多罗本来是龟兹国个太子，但伊拿国王个位子让畀弟弟，勒个桩事体浪厢，伊作风老像阿拉中国古代春秋辰光吴国个「太伯让弟」个故事。让位之后，伊领悟了佛教个义理，就出家做之沙门。 伊个人天分高，做事体光明正大，风格神态老不一般。外加因为伊特别会得呪术，用起来老灵个，伊还教伊个弟子高声朗诵梵呗，所以当时大家叫伊「高座法师」。来勒东晋元帝辰光，伊翻译了《灌顶经》等一共三部经，个桩事体可以代表密教典籍勒中国出现个开始。

生平经历

伊是勒西晋永嘉年间到中国来个，迭个辰光中原乱纷纷，交关地方长张勒打仗，伊就朝南跑，一直渡过长江，来到建康，住勒建初寺里厢。后来伊特东晋个王公大臣们交朋友，一道出去白相，丞相王导看见伊之后吃惊而又开心，讲伊是「吾之徒也」，就是当伊是自家个同类道伴个意思，帛尸梨蜜多罗因此就出了名。当时当朝名士里厢还有太尉庾亮、光禄大夫周顗、太常谢琨、廷尉桓彝等人，全部特伊有来往，尚书令卞壶也待伊蛮好。 帛尸梨蜜多罗特当朝名士来往个辰光，举止言谈摆出来个样子根据每个对象不同而变化，但总归是表现得交关恰当。宰相王导来看伊，伊随便得来衣裳都解开来，人斜悃勒与王导说笑，讲出来闲话也老有趣个。但假使是卞壶来访，伊就连忙穿戴整齐，态度恭敬而又严肃，起来迎接卞壶进客厅，再正襟危坐。人家对伊个种加明显个因人而异觉着好奇，就问伊做啥要个能？答曰：「王导为人风雅洒脱，卞壶则行事严谨，所以我以不同态度相待。」大家听了之后，都佩服帛尸梨蜜多罗待人各得其所。廷尉桓彝想对帛尸梨蜜多罗作品评，考虑了交关辰光还没想出合适个好词句。有人就建议讲：可用「卓朗」两字概括伊个为人。桓彝听了赞叹不已，认为迭只词是对帛尸梨蜜多罗最合适个标题。 大将军王敦当时勒南夏，听说朝中诸公都相当器重帛尸梨蜜多罗，感到怀疑，担心众人被虚名所惑，品鉴有失公允。伊就回朝亲自见到帛尸梨蜜多罗，结果反而畀伊个风雅所吸引，高兴地迎上前去，对帛尸梨蜜多罗表示虔诚个敬意。 周顗后来被任命为仆射，掌管官员选拔，伊勒上任之前造访了帛尸梨蜜多罗，曾感慨地说：「假使太平盛世，能够选到此类贤才，则使人心满意足了！」不久，周顗被叛乱个王敦所杀害。由于王敦个声势，没人敢慰问周顗屋里厢个遗孤，但帛尸梨蜜多罗却登门吊唁，伊作了胡呗亲自唱诵，梵音响彻云霄，还诵了几千句咒语，声音高声畅达，脸色不变，最后还拿自家面孔浪哭出来个鼻涕眼泪揩干净，每一步都做得从容不迫、神气自若。 王导曾对帛尸梨蜜多罗说：「外国有君，一人而已。」帛尸梨蜜多罗答道：「假使我特常人一样，今朝哪能会得勒此地？」回答直接又对路，当时传为佳话。 帛尸梨蜜多罗性格清高，不肯学汉语讲中国闲话，所以伊特东晋个名士公卿往来，要透过翻译。但伊老会得察颜观色，往往勒翻译之前，已经先从人家神态浪厢领会得对方个意思。大家莫不赞叹伊个天才颖悟。 帛尸梨蜜多罗圆寂个辰光，朝野名士都悲痛流泪。桓温就常对身边人讲：「我小辰光曾经见过高座，当时就晓得伊精神渊着，卓越出伦。」 王导个孙子王珉曾拜高座为师父，还为伊作序讲：「天授英伟，岂俟于华戎？自此以来，唯汉世有金日磾；然日磾之贤，尽于仁孝忠诚，德性纯至，非为明达足论。高座心造峰极，交俊以神，风领朗越，过之远矣。」从个里厢可以看出，帛尸梨蜜多罗勒东晋公卿心目中个崇高地位。 帛尸梨蜜多罗生前勒石子冈修伊个头陀行，死后就葬勒个地方。后来有僧人勒此地修了庙，庙个名字就叫「高座寺」。

参考文献

1. 慧皎著，《高僧传》。
2. 费长房撰，《历代三宝记》。