布城

布城（马来语：Putrajaya），全称布城联邦直辖区，老底子翻译成“布特拉再也”搭“太子城”，是马来西亚政府建立个新市镇，也是马来西亚个行政首都，是联邦行政机构（首相署）搭司法机构（联邦法院）所在地。因吉隆坡土地有限外加面对过度拥挤个问题，1980年代末，时任马来西亚总理马哈蒂尔·穆罕默德提议拿联邦政府行政机构所在地搬去布城，造隻新个中央政府行政中心出来，勒垃1999年正式从吉隆坡搬过去。整個工程花脱仔81亿美元（约合马币几百亿）。到仔2001年2月1号，布城成为马来西亚第三隻联邦直辖区。原本掰块地方是属于雪兰莪州个，箇辰光州政府拿主权交拨仔中央政府。