巴巴里海贼

出自维基百科,自由个百科全书
畀海贼抓获个欧洲人

巴巴里海贼(英文:Barbary pirates,西文:Piratería berberisca)也好叫做柏柏厄海贼或者奥斯曼海贼。是17世纪开始用马格里不沿海作为自家根据地,立在地中海大西洋沿岸抢劫欧洲商船个海贼集团。迭个群体弗仅抢劫海面高头个西班牙葡萄牙英国法国商船,拿捉到个女性强奸并贩卖为奴隶,并阉割男子。同时有辰光还直接立在伊比利亚半岛爱尔兰岛或者西西里岛登陆劫掠当地个村庄。带来邪气巨大个破坏,也是阿拉伯奴隶贸易个中坚骨干力量。19世纪初,新建立个美国因为商业问题,对巴巴里海贼开战。逼迫地方签署弗侵犯美国个条约,到1830年代,法国出兵北非,拿巴巴里海贼个老巢做脱,个能,才解决迭个南欧老百姓个噩梦。