巴士底獄

出自维基百科,自由个百科全书

巴士底獄(法語:Bastille),是法國首都巴黎裡頭個一隻堡壘,是法國人勒該英法百年戰爭(1337~1453)個辰光為抵抗入侵個英國軍隊造個。西元1417年,箇堡壘變成著一隻牢監,勒路易十四在位個辰光(1643~1715),因為宗教、政治個原因畀渠關勒該面個人多猛嘞,譬如思想家伏勒旦(Voltaire),個了堂隻牢監慢慢交就變成法國專制制度個象徵嘞。1789年7月14號,起義個人民佔領巴士底獄,拿裡頭所有守衛和總殺脫,並且救出7個搭革命弗搭界個牢監犯。該一日後來畀法蘭西第三共和國政府定為國慶節。