安庆府

安庆府，是近古时代，勒东亚大陆中古后期到廿世纪初存在过个一个行政区划，具体位置勒现在安徽个安庆市搭周边地区，北面挨勒庐州府，南面搭池州府隔江相望，西南面靠近江西个九江府。

设置搭撤销[编辑]

安庆府是南宋辰光设置个。庆元元年（1195年），拿安庆军升级为安庆府，治所勒怀宁县（乃朝安徽省潜山县），景定元年（1260年）移到乃朝个安庆市。辖境相当安徽省个岳西、桐城两县市以南，枞阳县以西，长江以北个地区。到元帝国个至元十四年（1277年），畀蒙古人升为安庆路。

元帝国后期，至正二十一年（1361年），盘踞淮西地区个朱重八拿此地改叫宁江府，次年，重新改回安庆府。明帝国时期，安庆府下头有6个县：怀宁县（首县）、桐城县、潜山县、太湖县、宿松县、望江县。

到清帝国，此地勒18世纪成为安徽巡抚驻地，也因此成为安徽省个首府。18世纪开始繁荣，弗过，19世纪，因为太平天国个关系，受到邪气大个冲击，19世纪后半段，慢慢衰落，1910年代初，清帝国完结之后，安庆府个建制，也畀撤销。