孤山

吴语维基百科,自由个百科全书
跳到导航 跳到搜索

孤山杭州西湖裏向个一座天然島嶼,四面環水(外西湖搭北里湖),自從唐代東面築起白堤以後,東通斷橋,西接西泠橋,孤山咾弗再是湖中孤島,乃末有“孤山弗孤”之說。孤山是西湖北山棲霞嶺个支脈,面積三百畝,是西湖裏向頂大个島嶼,海拔高38米,是西湖群山當中頂低个山。

孤山雖然弗高,卻歷來是觀賞西湖景色个首選之地,畀譽爲“西湖眉眼之所在”、“錢塘之勝在西湖,西湖之奇在孤山”、“人間蓬萊是孤山,有梅花處好憑欄”。唐宋以來一徑是文人墨客踏青郊遊个勝地,文化氣息濃郁。南麓有收藏《四庫全書》个文瀾閣搭浙江博物館。後山个放鶴亭是宋代詩人林和靖隱居搭埋葬之處,附近廣植梅花,爲西湖賞梅勝地。西側有研究金石篆刻个學術團體西泠印社。西麓有秋瑾墓。皇家也在孤山興建行宮。南宋在此興建御花園四聖延祥觀搭西太乙宮,清康熙年又辟爲聖因寺行宮(1927年以後改建成功中山公園)。

經營杭幫菜个百年老店樓外樓也垃拉孤山南麓,面臨西湖。[1]

詩詞[编辑]

  • 白居易《西湖晚歸,回望孤山寺,贈諸客》:“煙波淡蕩搖空碧,樓殿參差倚夕陽。到岸請君回首望,蓬萊宮在海中央”。
  • 白居易《錢塘湖春行》:“孤山寺北賈亭西,水面初平雲腳低。幾處早鶯爭暖樹,誰家新燕啄春泥。 亂花漸欲迷人眼,淺草才能沒馬蹄。 最愛湖東行弗足,綠楊陰裡白沙堤。”
  • 白居易《憶杭州梅花,因敘舊游,寄蕭協律》:“三年閑悶在余杭,曾爲梅花醉幾場,伍相廟邊繁似雪,孤山園裡麗如妝。蹋隨遊騎心長惜,折贈佳人手亦香。賞自初開直至落,歡因小飲便成狂。薛劉相次埋新壟,沈謝雙飛出故鄉。歌伴酒徒零散盡,唯殘頭白老蕭郎。”
  • 張祜《題杭州孤山寺》:“樓臺聳碧岑,一徑入湖心。弗雨山常潤,無雲水自陰。斷橋荒蘚澀,空院落花深。猶憶西窗月,鐘聲在北林。”

參攷文獻[编辑]

  1. 杭州西湖孤山简介. 欣欣旅游网. 访问日脚2014-12-03.