窦皇后（前205-前135年），中国西汉时期皇族女性，为汉文帝皇后、汉景帝生母，出身清河郡观津（今河北省衡水市武邑县审坡镇）。尽管《史记》搭《汉书》侪没提及渠个名字，但东汉赵歧拉《三辅决录》有提到渠个名字为“猗”。另外，唐代司马贞撰写个《史记索隐》中，提到西晋皇甫谧称窦皇后个名字为“猗房”。渠掌握政权横跨景帝、武帝两代，主张黄老之术，成为西汉初年道家“无为而治”个忠实执行者搭维护者。
