姚勇忱

姚勇忱
出生	1880年 大清國浙江省烏程縣
逝世	1915年7月1日 中華民國浙江省杭州陸軍監獄
职业	老師、政治家
儿女	姚長麟

姚勇忱（1880年—1915年7月1日），名志强，原名永貞（一作永眞）、永成，號弋仲，浙江省烏程縣織里村人（介歇是湖州市織里鎭），也有人講是湖州姚家壩人。渠是反清文學團體“南社”個成員，也是辛亥革命个辰光个革命家。1915年，姚勇忱搭革命戰友王金發拉杭州畀投靠袁世凱个浙江都督朱瑞槍斃。

家庭

姚勇忱拉阿爹姚壽康當過蘇州候補道臺，有4個兒子搭4個女兒，1904年去世。姚勇忱拉爺姚慎言是姚壽康个第7個兒子，是秀才；渠拉姆媽嚴氏是邊上驥村人。1895年姚勇忱拉爺咾娘相繼死脫哉。

生平

1902年，姚勇忱搭林氏結婚，養嘚個兒子叫姚長麟（也叫“長齡”）。1904年姚勇忱到杭州蠶學館（介歇個浙江理工大學）讀書，後末來貤先後有在上海理科專修學校搭日本弘文書院學習。