天佑国王

《天佑国王》也称作《天佑吾王》（英语：God Save the King），女性君主在位个辰光称作《天佑女王》（God Save the Queen），是英国数個英联邦王国、渠个领土搭不列颠皇家属地作为国歌或皇家礼乐使用个颂歌。歌词搭歌名随当朝君主个性别而有所改变：例如拉女性君主在位个辰光，歌词中个“国王”(King)改成“女王”(Queen)、(He) 改成 (She) 、“爷”(father)改成“娘”(mother)等。曲调作者弗详，可能源自单声圣歌，但也有传统说法认为是1619年由约翰·布尔所作。《天佑国王》箇首歌个音乐常常畀用来创作当地个爱国歌曲，比方讲美国个《为侬，我个国家》（英语：My Country, 'Tis of Thee）。

历史

传统浪认为，箇首歌个头一趟公开演唱发生拉1745年。英王乔治二世在位个辰光，英国詹姆斯党领袖查尔斯·爱德华·斯图亚特想拉复辟斯图亚特王朝。勒拉一趟叛军获胜个战斗后头，大家唱箇首歌来支持国王。

确立国歌

《天佑国王》是英国国歌，但同英国宪法交关方面一样，伊国歌个地位来自于习惯搭长期使用，而弗是法律规定，一般性会唱第一段搭第三段。

勒拉英国各地区分别出现个体育赛事当中（譬如足球世界杯），《天佑国王》一般算英格兰、北爱尔兰个国歌，苏格兰同威尔士则分别有自家个“国家歌曲”。