大豫垦殖公司
成立背景[编辑]
苏北沿海，因为有长江搭古黄河个泥沙冲积，海滩弗断朝外头伸延，个老从启东海门到赣榆沿海侪有大片个荒地。长期以来，老百姓煎盐贩卖为生，只有零星个垦殖（海边盐碱地弗适合耕种）。海岸线外移，帮农垦提供仔自然条件。光绪廿一年（1895年）张謇到东海边去办“团练”，相拉大片海滩，就动仔念头，准备兴垦。主要活动是棉花种植，来供给纱厂。
成效[编辑]
照1924年前后个统计，籽棉产量十六万担，豆、麦、玉米年产量二点二万担，盐年产量二十万担、织布机一千四百台、蜜蜂六十箱、猪猡五百头、老牛五百条、羊六百只、鸡鸭一万只。可以看出当时荒凉个海边搭以前大弗同，一派人丁兴旺个景象，为后来发展打下经济基础。张謇同时也注意到文化教育搭人才个培养。渠计划二百户一个小学堂，准备十年内普及小学教育。至于师资从哪里来，后来子个南通师范大学可以作出解释。