国际足联洲际杯

国际足联洲际杯是一项一年一度个国际性男子足球球会锦标赛，由国际足球联合会 (FIFA) 主办，首届赛事来勒2024年举行，参赛球队是六大洲足球俱乐部洲际比赛冠军队，会得通过淘汰赛个形式进行，当中欧洲代表好直接进决赛。

历史

2022年12月16号，国际足联委员会通过了国际足联世界冠军球会杯从七隻球队扩军到三十二隻球队个提案，决定2025年正式实施，2023年是阿末一届旧个世俱杯。必过，各隻联盟向国际足联表达让伊拉顶级球会赛事冠军队每年互相比赛个需要。故咾2023年3月14号个辰光，国际足联委员会通过从2024年开始举办一项一年一度个俱乐部比赛，叫伊国际足联洲际杯。箇项赛事会得有六大洲足球俱乐部洲际比赛冠军队参赛，也就是亚足联冠军精英联赛、非洲联赛冠军杯、中北美洲及加勒比海足协冠军杯、南美自由杯、大洋洲联赛冠军杯搭仔欧洲冠军联赛个冠军。

头一届比赛来勒2024年12月份举行。