哺乳動物

来自维基百科
蹦到: 导航搜寻
 
哺乳動物
依順時針方向:長頸鹿、果蝠、獅子、刺蝟
依順時針方向:長頸鹿果蝠獅子、刺蝟
科學分類
亞門: Vertebrata
綱: 哺乳綱

哺乳動物脊椎動物亞門下个一個,學名謳哺乳綱(Mammalia,來自拉丁文「mamma」,意思是「乳房」)。除脫6種頂頂原始个哺乳動物之外所有个哺乳動物儕是直接胎生个。乃朝全世界估計有得4000種橫裏哺乳動物,而人類進化其中个一個分支。

進化史[编辑]

最早个哺乳動物化石是垃中國發現个吳氏巨顱獸Hadrocodium wui),佢生活垃2億年前个侏羅紀。從化石上來看,哺乳動物(尤其是早期个哺乳動物)搭爬行動物之間邪氣重要个區别垃拉佢拉个牙齒。爬行動物个每顆牙齒儕是同个,彼此嘸沒啥區别,而哺乳動物个牙齒按照佢拉垃上个弗同位置分化成功弗同个形態。此外爬行動物个牙齒會不斷更新,哺乳動物个牙齒除左乳牙外其他都弗再更新。垃動物界中就衹有哺乳動物个中耳內有三塊骨頭科學家認爲是由爬行動物个兩塊附加顎骨進化而成个,貤成爲哺乳動物聽覺靈敏个地方。

第三紀爲止所有哺乳動物儕是體型小个。垃恐龍絕種之後哺乳動物先佔據脫交關生態位置。到了第四紀哺乳動物先至成爲陸地上佔支配地位个動物。伊個辰光个哺乳動物可以分爲4種:

  • 多峰齒類(Multituberculates)
  • 單孔目(monotremes)
  • 有袋目(marsupial)
  • 胎盤類(placentals)

多峰齒類響3千萬年前个漸新世Oligocene)就已經絕種,而其他个3科就存活到乃朝。

現有哺乳動物分類[编辑]

全世界个哺乳動物當中(以來計)咾,嚙齒目佔脫一半,而另外差弗多有4分之1是翼手目。當中,也有交關多動物垃拉動物界个頂級位置,譬如長鼻目)就是乃朝陸地上頂頂大个動物,而鯨目藍鯨更是有史以來最大型个動物(比恐龍重要大)。

70%个哺乳動物儕是嚙齒目(藍顏色),挨下來是翼手目(紅顏色),搭Soricomorpha(黃顏色)