吴淞炮台湾湿地森林公园

吴淞炮台湾湿地森林公园垃拉上海市宝山区，是上海最大个原生湿地公园。吴淞炮台湾原称杨家嘴，由于清政府曾拉吴淞口建有水师炮台，故改叫现在箇隻名字。公园区域垃拉吴淞口个西北角，本来是长江滩涂湿地，20世纪60年代开始用废钢渣回填形成公园个陆地。2005年，地方政府为咾改善区域生态环境，规划来勒箇面造湿地森林公园。公园一期来勒2007年5月份造好开放，二期则来勒2011年10月份开放。^[1]2012年底成为“国家4A级旅游景区”^[2]。

公园东面是长江，西面是炮台山，南到塘后路，北到宝杨路，贴隔壁是吴淞口国际邮轮码头，总面积约120万平方米，湿地面积约5.5万平方米。公园有北门西门两扇门，西门来勒塘后路206号，是公园正门。公园里向分成森林休闲观光区、谷地生态走廊区、荒漠景观区、滨水湿地景观区等多隻区域，还有长江河口科技馆、吴淞炮台纪念广场、木兰雅苑、贝壳剧场、矿坑花园、游船码头等活动休闲或纪念性场所。还有长约2公里个沿江步行道畀游客休憩、观赏江景。