吮卵

吮卵

吮卵，也好叫喫北鳥、吹箫，是口交个其中一种形式，吮个人个嘴巴或者喉咙会得搭一個男人家（或者渠自家）个卵接触，进行刺激。用嘴巴刺激卵脬个行为搭吮卵差弗多，称为吊茶包。

大部份國家法律弗禁止吮卵，但是垃有些文化裏向可能是禁忌。也有人可能因爲個人偏好、負面情緒或者性壓抑咾弗高興吮卵。一般性來講，蠻多人認爲吮卵弗會得影響雙方个童贞，必過也有另外个看法。

行爲

女人喫男人个北鳥

吮卵末，就是用嘴巴去刺激隻卵（包括卵脬柄搭卵頭），好用嘴巴去吸咾吮，用舌頭去舔，也好用嘴唇皮，或者上頭幾種方式一淘用。裏向个一個方法是做愛个淘伴拿卵含垃嘴巴裏向，有節奏能上下動，同時也要當心，覅碰着牙齒。吮卵也包括用嘴巴來刺激卵脬，好舔、吮，也好拿原個頭个卵脬含到嘴巴裏向。吮个辰光，畀渠吮个人可能會得高潮，拿卵漿飆到淘伴个嘴巴裏向。

卵漿

吮卵个辰光，好拿淘伴个卵裏向飆出來个卵漿嚥落去。到1976年，還有眼醫生建議拖仔八九個月身體个大肚皮覅吞卵漿，怕渠引發早產；後首來大家發現箇個實際丄向是安全个。

畀渠吮卵个人一般性全会得性兴奋。一旦到仔一定个性刺激水平，卵漿會得飆出來，流到淘伴身丄相。男人家也好垃卵漿飆出來以前摆好自家个卵，讓卵漿飆垃淘伴个面孔丄咾另外个身体部位，比方講脰頸、胸脯或者奶奶丄。

深喉嚨

深喉嚨

深喉嚨末，就是拿男人原個頭个硬卵含到嘴巴搭喉嚨裏向去。深喉咙个辰光，卵要生得夠長咾，再會得夠着吮个人个喉嚨。深喉咙搭一般性个吮卵相比，对卵个性刺激方式是不同个：深喉咙个辰光，舌头畀渠弄牢哉咾，弗好吸吮个，是用喉咙个紧缩感去刺激卵頭。

文化

吮卵勒垃大部分国家是合法个。一些司法管辖区个性罪行搭界个法律拿吮卵定性成性侵入行为，必过一般性弗会得搭戳屁眼或者轧姘头介特为立法禁止脱。勒垃伊斯兰教个经典裏向，戳屁眼咾女人家老朋友来个辰光戳屄全是明确禁止个 。必过吮卵末，难朝个伊斯兰学者当中有弗同个看法。权威学者认为箇個行为“讓人倒胃口”，因为畀渠拉认为是弗清爽个卵漿會得碰着嘴巴。必過也有人強調，無得明確个证据认为板要禁脫吮卵。