后现代

出自维基百科,自由个百科全书

后现代是种介概念范围搭仔思想体系,搭多数现代主义个物事(疋似讲唯物主义、现实主义、实证主义、形式主义、结构主义、教条主义还有还原主义)正好反一反。后现代批评人觉着自家好客观认识世界;佢拉觉着,社会动力,疋似权力还有等级制度迭种介影响人对世界个概念个物事,对人哪恁建立知识、哪恁去用知识,影响是老关键个。

后现代搭现代主义是反个,佢拉考虑问题个辰光,偏向唯心主义、构成主义、相对主义、多元主义还有怀疑主义。

后现代主义本身弗是哲学运动,准确来讲,后现代主义是交关后现代风格个哲学方法、批评方法混起来,其中名气顶响个是女性主义(feminism)、后结构主义(post-structuralism)。调句言话来讲,后现代主义弗是探究哲学个办法,倒是来许用非传统个路子去接近传统观点,所谓非传统个路子就是讲弗好顺牢已经建立个上层建筑个式样。迭恁一来呢,后现代主义到底啥意思、想做啥,就老难定义了,葛落佢只概念乃朝还是蛮复杂个,争议阿弗少,各人一直辩论弗清爽。

后现代主义个观点来许20世纪50年代横里形成功,到60年代开始主导文学、艺术搭思想。最早接受后现代主义个时艺术方面,来许19世纪,算是对现代主义眼没用场个遗产个反映;20世纪初后现代作为全面个反现代主义扩展到其它学科浪。

维基共享资源里向寻得着搭该篇文章搭界个多媒体资源: