卡塞雷斯（西班牙）

卡塞雷斯（西班牙語：Cáceres）是西班牙城市，卡塞雷斯省個首府。陸地管轄面積1750.33km²，勒西班牙城市當中是頂大個。2007年人口普查數據是91606人。

卡塞雷斯城是羅馬人勒公元前25年建個。歷史浪經歷仔交關多戰爭。穆斯林統治辰光建個光塔現在已還保存仔30座。老城區還保留仔古代個城牆，裏向是完整個中世紀城鎮，朆受著任何現代建築破壞。因為混合仔古羅馬、伊斯蘭、哥特搭意大利文藝復興多種風格個建築，卡塞雷斯老城區勒1986年畀UNESCO登記成功世界文化遺產。

卡塞雷斯現在勒競爭2016年歐洲文化城市個稱號。