南京地铁7号线

南京地铁7号线是南京地铁运营个一条主城南北向加密线路，标志色是墨绿色，全长35.7km，全程地下线，拢总设站27座。7号线沿途经过尧化门、丁家庄、下关、河西、西善桥等重要片区，畀定位成南京东北—西南向大运量个局域线。

线路

历史

• 2015年5月5号，国家发改委批复《南京市城市轨道交通第二期建设规划（2015～2020年）》，同意7号线正式立项。
• 2016年4月份，7号线项目第一次环评公示。
• 2016年7月25号，7号线项目第二次环评公示。站头数从一开始个26只变成功现在个27只，取消脱一开始个沿河街站，增加仔省第二中医院站搭南湖路站。乘枪势里对莫愁湖站个位置进行调整。
• 2017年4月份，螺塘路站作为实验性站点率先开工。
• 2017年11月29号，7号线全线开工。
• 2020年6月6号，7号线安装装修启动仪式开幕，标志7号线正式进入装修阶段。
• 2020年9月份，7号线首部车子勒垃浦镇厂下线调试。
• 2021年5月份，丁家庄到丁家庄南站区间双向区间贯通，7号线北段（幕府西路站到仙新路站）隧道全线洞通。
• 2021年8月12号，草场门站头一根围护桩顺利开钻，标志7号线全节点开工。
• 2021年9月8号，7号线北段（幕府西路站到马家园车辆段区间）全线轨通。
• 2021年11月底，地铁7号线北段（幕府西路站-仙新路站）电通，好马上开始试运行。
• 2022年3月12号，马家园车辆段到五塘广场站区间完成冷热滑试验。
• 2022年8月12号，7号线北段弗载客试运行。
• 2022年12月20号，7号线北段、1号线北延段一道通过竣工验收。
• 2022年12月26号到28号，7号线南段（停车场到应天大街站）完成冷热滑试验。
• 2022年12月28号，7号线北段搭1号线北延段同步开通。
• 2023年8月11号，地铁7号线南段通过项目验收，开始试运行。
• 2023年12月28号，7号线南段正式开通运营

事故

• 2020年12月7号，7号线福建路站东端头基坑南面围挡外头个地浪向出现局部坍塌。路面坍塌深度勒拉1米左右，初步分析原因是基坑里向个水洇出来。目前做仔混凝土回填。

• 2022年10月16号，7号线莫愁湖站到大士茶亭站区间盾构勒拉拆接收钢套筒个辰光突然之间漏哉；10月20号11点45分，边浪一幢已经撤离个6层楼房笡过来，随时随地有倒下来个风险。阿末，箇幢房屋畀拆脱。大士茶亭站周围被圈起来，边浪个莫愁湖公园临时闭园。