华漕㳠

华漕㳠，貤写成功华漕澾、华漕达，来勒上海市浦东新区。华漕㳠本来西接张家浜，东到马家浜，全长4100米，是黄浦江个支流，主要用勒漕运高头。建国以後，1952年、1957年、1972年疏浚三𡍲，截弯取直，拓宽河道，畅通水上运输，好通行12吨以下个船。经城市发展，弗少地方侪填脱哉，乃朝张家浜边竹园绿地一段200米个断头河叫西华漕达河，华漕㳠只挺西到洋泾港、东到三八河箇一段，是三八河水系个一部分哉。