半马苏河公园
半马苏河公园是来勒中华人民共和国上海市普陀区苏州河岸线个几块绿地，分一期搭仔二期建设。一期由1号公园、2号公园、3号公园、云岭公园四個公园组成[1]，东到大渡河路光复西路路口，西到真北路，总面积35公顷[2]。二期工程来勒真光路桥西侧，西到上海贸易学校，面积4.6公顷[3]。一期跟二期當中并弗连勒一道，當中隔了只苏州河深隧云岭西综合设施施工区域。
公园个名字“苏河”指个就是苏州河，正好普陀区境内个苏州河岸线长21公里，正好是半程马拉松个路程，故咾伊名字里向有得“半马”箇两個字。
2023年1月28号，半马苏河公园揭幕。[4]2024年2月份，半马苏河公园（岸线公园二期）對外开放。[5]
参考
[编辑]- ↑ 苏州河沿线最大滨水空间半马苏河公园揭幕. 中央广播电视总台上海总站_上海频道_央视网 (2023-01-29).
- ↑ 半马苏河公园_长风景观_长风街道 (zh). 上海普陀 (2023-08-21). 原始文档勒2024-03-24存档. 访问日脚2024-09-02.
- ↑ 张龙; 陶磊 (2024-02-23). "半马苏河公园（岸线公园二期）正式开放". 新民晚报.
- ↑ “半马苏河”公园揭幕，苏河沿线最大滨水空间面向市民开放 (zh). 东方新闻 (2023-01-28).
- ↑ 半马苏河公园（岸线公园二期）正式开园！ (zh). 上海科普网. 原始文档勒2024-03-24存档. 访问日脚2024-09-02.