医疗旅游

出自维基百科,自由个百科全书

医疗旅游英语Medical tourism)先开头是旅游社搭媒体想出來个术语,指伊拉为节省钞票弗来本国看医生,而跑到外国看病搭动手术个人。另外呢,医生自家跑到外国去搭人家看毛病也叫“医疗旅游”。

医疗游客想做个手术,有种呢性命攸关,有种呢可有可无,像关节复位(脚馒头/臀部)、心脏手术、牙科手术还有整容咾,侪是老热门个。有种人个先天遗传毛病一般性碰弗着,渠拉就出国去寻医疗技术先进个、会得看迭种毛病个地方去看。虽然讲行个就是迭眼,其实其他个医疗项目也几乎要啥侪有,疋似讲精神病治疗、康复训练,甚而至于丧事人家也肯弄个。

现在已经有超过50只国家拿医疗旅游当仔民族工业了。不过呢,资格执照来各个地方没统一个标准个,乃么搞得来有种客人医疗旅游好一埭身体比原来还要推板。

来许“全球健康”个语境里向,“医疗旅游”个意思弗大好。迭种看毛病呢医生往往瞎来腔,有种么做个手术弗是渠个专业个,或者呢质量搭渠平常上班辰光个弗一样(就是讲夜壶台了)。

乃朝到资源紧张个场化去相帮个学生志愿者、专业医疗指导、还有研究人员是越来越多了。医疗旅游一直来许发展。