北条氏康
北条氏康（日文假名：ほうじょう うじやす，罗马字：Hōjō Ujiyasu，1515年－1571年10月21号）是日本战国时代个有名封建主搭仔大名。伊是后北条氏第三代家督，在拉小田原城出生，领导后北条氏搭室町幕府关东管领上杉氏山内上杉家、扇谷上杉家、越后守护长尾氏、甲斐守护武田氏、骏河大名今川氏，以及关东地方近边个诸侯争斗，在拉搭甲斐之虎武田晴信、越后之龙长尾景虎、东海道第一弓取今川义元争斗个阶段，一直好立在弗败之地，畀别人叫做相模之狮。伊个经营，也让后北条氏在拉关东地区继续扩张。
后代
[编辑]氏康娶仔今川氏亲个囡儿瑞溪院，养仔交关小囝。男小囝长大成人者包括后来继任家督个氏政、氏照、氏邦、氏规、氏忠、氏光，以及过继畀越后（乃朝新潟县）国主上杉谦信当过房儿子个三郎景虎咾啥；女小囡包括嫁畀今川氏真当正室个“早川殿”搭嫁畀武田胜赖当继室个“桂林院”咾啥。