列昂尼德·伊里奇·勃列日涅夫

列昂尼德·伊里奇·勃列日涅夫（俄语：Леони́д Ильи́ч Бре́жнев，罗马化：Leonid Ilyich Brezhnev，發音：[lʲɪɐˈnʲit ɨˈlʲjidʑ ˈbrʲeʐnʲɪf] ^ⓘ；1906年12月19号—1982年11月10号），苏联领导人、苏联元帅，曾任苏联共产党中央委员会总书记。

勃列日涅夫从1964年开始做苏联老大，一把抓仔18年。伊对上隻改革一眼也看弗顺眼，搞来搞去，弄得唻社会死气沉沉，大家侪叫伊"勃列日涅夫停滞期"。伊虽然拨老百姓多点福利，但是政策卡得死脱，经济分配一塌糊涂，专门只顾搞军事科技，别个科研侪弗管，结果苏联搭西方国家个技术差距越拉越大，经济地位也拨西德搭日本超过去。

勒美苏冷战里向，勃列日涅夫虽然搞核武平衡，但苏联个政治攻势已经弗灵光哉，苏联个太空成就还畀美国个登月计划比下去，影响力小交关。再加上到处侪是贪污腐败，经济增长慢吞吞，美国搭苏联个技术差距越来越大，老百姓对共产党越来越弗满意。