函馆山
函馆山（日文：函館山／はこだてやま Hakodate yama），是一座勒拉北海道函馆市市区西部个山地。因为函馆山勒拉座陆连岛浪，故咾伊有时也叫“函馆岛”“函馆山岛”。函馆山海拔334米，周长约莫9公里。因伊看起来像一头朝天睏个牛，所以又叫卧牛山（日本闲话：がぎゅうざん）。
函馆山有13座山峰，包括有瞭望台个御殿山（334m）、药师山（252m）、杜鹃山（306m）、汐见山（206m）、八幡山（295m）、水元山（280m）、鞍挂山（113m）、地藏山（286m）、入江山（291m）、虾夷立山（129m）、观音山（265m）、牛背山（288m）搭仔千叠敷（250m）[1]。
函馆山个基台部分是约莫100万年前海底火山喷发个产物。后些来，因火山喷发，箇面隆起沉降多𡍲，形成仔一座大岛。约莫5000年前，因为泥沙堆积，岛屿同渡岛半岛当中出现一座连岛沙洲，函馆山也就变成功一座陆连岛，函馆市中心就勒拉箇连岛沙洲浪。
历史
[编辑]1898年开始，根据要塞地带法，日本政府勒拉函馆山造要塞。1905年，函馆山浪已造仔炮台、发电厂、观测所等17個设施（津轻要塞）[2]，故咾也变成功军事机密，从官方地形图浪消失，甚至弗允许日常讨论伊[3]。
二战结束，函馆山失去伊要塞个功能，收归国有。函馆山个所有者大藏省（今财务省）免费拿函馆山借畀函馆市。1945年，美军拆脱津轻要塞。1946年10月份，函馆市从大藏省捞到土地使用许可。12月份，函馆市设立函馆山管理事务所，重新对外开放。1948年，函馆市拿箇一带326.6公顷个土地设为都市计划绿地“函馆山绿地”。
现在御殿山第一炮台遗迹勒拉缆车设施搭仔停车场、瞭望台、送信所下头，必过有崩落个危险，故咾禁止进入。其他个一些要塞遗迹则好参观。2001年，“函馆山搭仔炮台遗迹”畀评浪北海道遗产。
观光
[编辑]
御殿山山顶有瞭望台，好勒拉山脚乘函馆山缆车或者开车子或者走路登山到达。函馆山浪有多条走路爬山个路线。山顶是瞭望个圣地。白天，除脱好看到函馆市区，还好看到津轻海峡对过个下北半岛；必过函馆山个夜景更加有名气，同神户摩耶山掬星台、长崎稻佐山看到个夜景一淘叫日本三大夜景[4]。
参考文献
[编辑]- ↑ 弐,その構成. 函館山詳細データ. 原始文档勒2015-06-10存档. 访问日脚2015-06-10.(日文)
- ↑ 函館山の砲台跡（旧函館要塞）. 函館市. 访问日脚2015-06-10.(日文)
- ↑ 地図から抹消されていた函館山. 北海道ファンマガジン. 访问日脚2015-06-10.(日文)
- ↑ 函館の夜景がきれいな理由. 函館市. 原始文档勒2017-04-30存档. 访问日脚2015-06-10.(日文)
外部链接
[编辑]- 市内公园情报 函馆山 档案，存勒互联网档案馆当中。（2018年3月11号） 函馆市住宅都市施设公社
- 函館山ハイキングコースマップ 函館山ロープウェイ株式会社
- 函館山展望台の夜景スポット情報 夜景FAN 档案，存勒互联网档案馆当中。（2020年10月20号） 夜景FAN