冈萨罗·希梅内斯·德·奎萨达

Retrato de Gonzalo Jiménez de Quesada. Actualmente se encuentra en el Palacio Liévano, Bogotá, en el Salón Gonzalo Jiménez de Quesada.

冈萨罗·希梅内斯·德·奎萨达（西文：Gonzalo Jiménez de Quesada，1509-1579）是十六世纪一个有名个西班牙征服者。渠对南美洲北面，从1536年开始征服，一手建立新格兰纳达总督区，外加是玱朞哥伦比亚首都波哥大个创始人。

早年

渠在西班牙个年岁无几许人晓得确切，即便出生个年月，也是后势来自家讲出来个。乃朝好确信个是伊立在安达卢斯地区出生，渠场爷是当地一个小讼师。冈萨罗是屋里留个兄弟里向顶大个。渠大起来著之后，到有名个萨拉曼卡大学学习法律。担著学位之后转去盖纳达（granada）。到1533年前后，搭渠场爷关系开始推板起，到1535年，决定到美洲去闯生活。渠有两个弟兄，分别是埃兰·佩雷斯·德·奎萨达搭方济各·奎萨达。昰个两个人在渠1544年回本土辰光，搭渠一淘到美洲去。

在新格兰纳达王国个冒险

1535年年中，冈萨罗·希梅内斯·德·奎萨达开始对昰只区域开展调查。三个月之后，到达㬮朝哥伦比亚地区，晓得著此地搭已经征服个秘鲁搭界，在此地，渠场问土人何里场有黄金，土人个答复让渠场弗满意，弗过，当地个山谷搭肥沃土壤还是让渠场觉著有兴趣。1536年4月5号，奎萨达带领670个西班牙士兵开始望马格达莱纳川行进，其中，渠场碰著交关土著部落，同时，也吸收著一眼土著搭渠场结盟，到1537年，通过搭当地土著合纵连横，渠担西班牙个权威设立到昰只区域，同时，在波哥大台地修起波哥大城，后来成为著西班牙统治昰只巨大区域个核心。