兰亭（吴拼：Lae Dieng），是浙江省绍兴城西南面，兰亭镇个一座纪念建筑。听讲是东晋辰光文人士族碰头消遣个场许。东晋永和九年（公元353年），王羲之、谢安搭交关其余南窜或者吴地士族到此地薄相，搞曲水流觞，王羲之为此写出兰亭集序，成为后来文人写书法个典范，兰亭也因为居桩事干出名。玱朞好望著个兰亭，是十六世纪明帝国嘉靖廿七年重修个基础丄，在1980年修复个。
