全斗焕

全斗焕（韩语：전두환／全斗煥；1931年3月6号—2021年11月23号），字勇星（용성），号日海（일해），韩国第11、12任总统、韩国陆军退役上将。本贯完山全氏。朴正熙畀人刺杀仔么，全斗焕通过双十二政变奪权，後首来成为韩国总统。

伊个统治交关血腥。1980年，全斗焕派军队镇压光州个民主化运动，造成交关平民死伤，搿就是出名个光州事件。伊下台之后，搿桩事体让伊吃仔大官司。1996年，韩国法院勒历史性个审判当中，认定全斗焕犯仔内乱罪、叛乱罪搭贪污罪，一审判伊死刑。後首来二审改判无期徒刑，还要追缴2205亿韩元个罚款。法院讲伊勒任期内贪污了差弗多2259亿韩元个政治资金。弗过关仔还朆几年，1997年年底，伊就拨当时个总统金泳三特赦出狱哉。

就算老哉伊也朆太平过。2020年11月，89岁个全斗焕又拨法院判仔8个月有期徒刑，缓刑两年。原因是伊勒回忆录里乱讲光州事件个受害者，诽谤仔当时畀伊害杀个人个家属。伊一直到死也朆正式为光州事件道过歉。