全國人民代表大會

出自维基百科,自由个百科全书

全國人民代表大會,全稱中華人民共和國全國人民代表大會,簡稱全國人大或者人大,是《中華人民共和國憲法》規定個中華人民共和國最高國家權力機關[1],採取議行合一,勒對外交往浪向做国会個角色。職權主要有:修改憲法;監督憲法個實施;立法權;任免權,國家主席、中央軍委主席、國務院總理等儕是俚選舉或者決定個;重大事項決定權;監督權。

根據《中華人民共和國全國人民代表大會組織法》第五條第一款,全國人民代表大會每趟會議開「預備會議」,選舉該趟會議個主席團搭秘書長,通過該趟會議個議程搭其他準備事項個決定。

全國人民代表大會個每趟會議儕設立「秘書處」,勒全國人民代表大會該趟會議秘書長領導下頭工作。全國人民代表大會個每趟會議設幾個副秘書長。副秘書長個人選由全國人民代表大會主席團決定。

全國人民代表大會個常設機關是全國人民代表大會常務委員會(簡稱全國人大常委會)。全國人大搭全國人大常委會行使國家立法權。全國人民代表大會由省、自治區、直轄市、特別行政區搭軍隊選出個代表組成,各個少數民族儕有一定名額個代表。全國人大代表裏向有差弗多百分之七十是各級官員搭中國共產黨個各級領導,當中勒軍隊個代表裏向有將軍一級個軍官占仔百分之六十以上,地方是各省搭自治區一級領導,各省、自治區、直轄市個代表團團長一般是該個省(區、市)人大常委會主任、人民政府省長(主席、市長)搭仔/或者中國共產黨勒該個省(自治區、直轄市)個委員會書記(可以看各趟大會代表名單)。

全國人大一直畀境外媒體叫「橡皮圖章」,到現在還朆出現過否決國家級行政搭司法機關工作報告個情況。但必過,省級以下人大已經有交關趟否決工作報告個事體[2][3]。近幾趟全國人大會議對最高人民檢察院最高人民法院報告個投票贊成率也只有差弗多75%,出現仔交關多否決票[4],畀有種媒體認為對該兩個部門有一定個警示作用。[5]

參考[编辑]

  1. 中華人民共和國憲法》朆講全國人大要接受中国共产党個領導,外加明確規定任何組織或者個人儕弗好有超過憲法和法律特權中华人民共和国宪法. 第十屆全國人民代表大會第二次會議 (2004-03-14).
  2. 甘肃玉门市人大常委会首次否决一工作报告. 原始文档勒2011-07-21存档. 访问日脚2015-09-09.
  3. 湖南衡阳人大代表否决市中级法院工作报告始末. 原始文档勒2016-03-05存档. 访问日脚2015-09-09.
  4. 温家宝总理报告修改21处 获人大最高票通过.
  5. 人大在决议中对“两高”应有具体要求. 原始文档勒2012-11-20存档. 访问日脚2015-09-09.