內部殖民主義

內部殖民主義 (internal colonialism) 是指中央政權在一個國家內部採取搭殖民搭界个統治形式，搭19世紀一國對另一國个殖民政策一樣，中央政府擔昰種思路引入境內，經濟丄或者政治丄个強勢地區扮演著殖民者个角色，通過吸附畀殖民區个資源形成利潤，造就新興个發達階級搭發達地區。國內殖民搭帝國殖民在經濟結構丄相同。中央政權利用弗同个經濟政策手段奴役搭剝削殖民區，實現經濟掠奪。

理論提出

內部殖民主義理論末，是墨西哥人類學家岡薩雷斯•卡薩諾瓦搭魯道夫•斯坦夫海根在1960年代提出。儘管二戰後个民族解放運動搭非殖民化趨勢使得交關國家擺脫爻來自外部个殖民統治搭剝削，但是在一排國家个內部仍然存在著一種區域間剝削交被剝削个關係，昰種統治階級人爲製造个剝削關係並非是常規个二元化理論、城鄉關係理論搭階級關係理論所能解釋个。內部殖民主義个統治搭剝削關係是通過經濟手段來實現个，譬如政策丄个歧視搭迫害，昰種方式違背脫市場經濟（即自由經濟）。

危害性

內部殖民主義擔被殖民區个成員喪失脫獲得公平个生存發展機會，乃末阻礙脫社會搭民族團結，甚至造成地域之間个仇恨，另外一方面使得被殖民區長期處於貧困狀態，弗能按照市場規律正常發展，從而影響之市場規模个擴大，對殖民地个經濟、社會造成嚴重危害。

另見

上海自治運動