克里斯蒂安二世

出自维基百科,自由个百科全书
苦命君主克里斯蒂安二世

克里斯蒂安二世(丹麦语:Christian 2.,1481年7月1号-1559年1月25号)丹麦搭挪威国王(1513年—1523年);瑞典国王(1520年—1521年)。渠是阿末一个以卡尔马联合个形式统治丹麦挪威瑞典三国个国王。

倒台搭故脱[编辑]

克里斯蒂安二世为仔富国强兵,积极搞改革;但迭个也让伊迅速内外交困。开初是瑞典独立,后手来汉萨同盟搭尼德兰也同丹麦关系搭僵,丹麦贵族觉着伊再继续通知下去,国家就要完结脱哉,个咾在拉1523年发动反对伊个叛乱,并支持克里斯蒂安二世个爷叔——荷尔斯泰因公爵弗雷德里克当丹麦国王。

在拉迭只关键时刻,克里斯蒂安二世倒是缩脱哉。伊弗曾认真抵抗歇,就急齁齁领牢仔一家门离开丹麦,在拉当年5月1日抵达低地泽兰省个费勒避难。

流亡当中个克里斯蒂安二世,还想依靠神圣罗马帝国皇帝搭西班牙国王卡洛斯一世相帮,重新复辟。8年之后,伊觉着时机已经成熟,就在拉1531年10月24号,领仔一支军队渡海,企图夺回王位。

但因为一场突如其来个风暴,伊在拉挪威海岸大部分舰队侪损失脱哉,乃么结果反倒是陷入仔畀丹麦当局攻击个危险局面。在拉抵抗失败之后,克里斯蒂安二世在拉1532年7月1号签署奥斯陆条约,向弗雷德里克一世投降。弗雷德里克一世拿伊囚禁起来,直到1559年1月故脱。

配偶搭后代[编辑]

克里斯蒂安二世搭奥地利哈布斯堡家个伊丽莎白 (1501-1526)结婚,一共有六个囝:

丹麦王子约翰 (1518-1532)。

马克西米利安 (1519)。

菲利普(1519-1520)。

丹麦个多萝西娅(1520-1580),1534年嫁畀巴拉丁公爵腓特烈二世。

丹麦个克里斯蒂娜(1521-1590 年), 1534 年搭米兰公国个弗朗切斯科·斯福尔扎伯爵结婚;伯爵死脱之后,1541年搭洛林公国个弗朗西斯一世伯爵结婚。

奶末头儿子,夭折(1523 年)。