光

光是一种人眼望得着个电磁波（可见光谱）。光只是电磁波谱里个某一段频谱。光是由一种叫做光子个基本粒子组成。具有粒子性搭波动性，要勿讲波粒二象性。

研究历史

有关光个本性问题，早早个便引起人个注意。

印度教搭佛教个理论

公元前6到5世纪个古印度，数论派（Samkhya）搭胜论派（Vaisheshika）个学者便形成光个理论。数论派认为光是组成世间万物个五微尘（tanmatra，即「五唯」——香、味、色、触、声）之一。箇五种元素个粒子性呒特别说明，搭个便当作连续状态来理解个。

还一种观点来自胜论派，渠里提出一种原子理论，认为物理世界建立于非原子个以太里，以太由时间搭空间组成。最基本个原子分别是土（prthivı），水（pani），火（agni）搭空气（vayu），箇里个意思搭平时意义上个箇两种物质弗样。箇许原子结合形成双原子分子，进一步结合形成还大个分子。箇许实物原子视作运动个，种运动搭个还理解成非瞬时性个。渠里认为光线是高速个火（tejas）原子流。当火原子以弗样速度运动、以弗样形式组合时，光粒子可以展现弗样个特征。徕公元前一世纪左右个《毗湿奴往世书》（ Vishnu Purana）里，阳光称作「日头个七辉线」。

印度佛教徒，比如五世纪个陈那菩萨（Dignāga）搭七世纪个法称（Dharmakirti），发展出一种原子论哲学，认为组成现实世界个原子，实体其实是光要勿能量个瞬间流动。光是搭能量样个原子整体，搭现代光子概念相似，不过渠里畀全部物质都望作由箇许光能粒子组成。

另外，照《歌咏明论》（便是《梨俱吠陀》Rigveda）记写，光有三种元色：「畀箇三种颜色串起来，好转现整个视觉世界」。

特性

光是能量个一种传播方式。光源发光，是光源中原子个运动之故。有三种方式：热运动、跃迁辐射、受激辐射。头种是生活当中最长望个，比如电灯搭火；后头种多应用到激光。

传播速度

来真空里光个传播速度是 299,792,458 m/s（准），是一个常数，以符号 c 代表，也是讯息传播速度个上限。光子个静止质量是0，怪得理论上呒任何物质个速度超过光速。

光源

徕耷发光个物体叫做光源，「徕耷」箇條件必須有。光源是天然个人造个都呒杲。

光線

光是直线传播个。基于光线个光学，称作几何光学要勿线性光学（Beam Optics）。

光个应用

能源（清洁能源）、电子（计算机、电视、投影仪许）、通信（光纤）、医疗保健（伽玛刀、B超仪、光波房、汗蒸房、X光机）许。