傳奇

吴语维基百科,自由个百科全书
跳到导航 跳到搜索
Disambig gray.svg有關“傳奇”別个意思,請望傳奇 (消歧義)

傳奇東亞大陸傳統戲曲,明、清兩代一種戲劇文學个體制。

起源[编辑]

「傳奇」一詞頂早是指唐代文言小說「唐人傳奇」,宋元時期,畀指稱諸宮調等說唱藝術以及南戲、雜劇咾啥。明代或以後,纔畀專稱成功演唱南曲爲主个長篇戲曲。傳奇源自宋元南戲,因初期作品多演自唐傳奇,故借以別於元代流行之雜劇。元、明以後傳奇變成功一種繼承自元曲个戲曲,又稱南曲

體制特點[编辑]

構成明代傳奇个要素有得:曲詞、賓白搭科介。傳奇稱每幕戲爲一「齣(出)」,每齣全有「齣目」。明清傳奇亦有類似楔子个架構,稱爲家門大意或副末開場,固定於第一出中作爲報幕性質,與劇情關聯弗大。每劇齣數搭篇幅嘸沒限制,篇幅長短自由,一般比元雜劇長交關,動輒四、五十齣,有排長至百餘齣,通常在三十至五十齣之間。文字亦較華麗。

第一齣戲稱爲「家門」、「開場」,由副末上場,先吟誦一首詞,交代創作緣起,或略述戲曲主張,然後再吟誦一首詞,介紹劇情大要。傳奇取消脫南戲个題目,擔南戲个題目搬到第一齣戲个末腳,成爲副末開場以後个下場詩

一齣戲中,弗限通押一韻,可以換韻。所用爲南方語音,平上去入四聲俱全。

明清傳奇以南曲爲主,間用北曲(北隻曲、北套曲、南北合套),一齣弗限一套,可換宮調,且弗限一宮調,韻腳可改換。曲牌連套分引子、過曲及尾聲。明清傳奇全部角色全好唱,亦可輪唱或合唱,變化較元雜劇大。一齣戲可以同時出現交關弗同宮調个套曲,多用南曲,清柔婉轉,較宜演情意纏綿个故事。除脫南曲,還采用一些北曲曲牌。伴奏樂器以鼓板、簫管爲主。

傳奇當中所有登場人物角色全可以演唱,弗限於主角,比較靈活,可以多人同唱一劇。既有獨唱,也有對唱、輪唱搭合唱。

傳奇通常以生、旦爲主角,改雜劇男主角「末」爲「生」。角色分工較仔雜劇搭南戲爲細,角色豐富,較雜劇搭南戲亦有所增加。

唱腔[编辑]

明代傳奇包括海鹽腔、餘姚腔、弋陽腔、崑山腔咾啥。自嘉靖、隆慶年間魏良輔等改革崑山腔之後,傳奇步入一個極盛个時期。佢在藝術形式丄比宋元南戲表現得更加成熟、豐富、細密搭規範化。

研究書目[编辑]