側式站臺

側式站臺示意圖

鳥瞰臺北捷運紅線復興崗站裏向个兩座岸式站臺，左側站臺停靠往淡水个列車；右側站臺停靠往臺北市區方向个列車

側式站臺，又稱岸式站臺，常成對使用而又稱爲「相對式站臺」或「對向式站臺」，是指軌道垃中央，而站臺就垃左右兩側个設計，是頂常見个站臺型式之一。側式站臺，廣泛个定義即車站衹有一面有軌道，噶咾亦包括衹有一隻站臺搭一條軌道个情況。

優點

相較於島式站臺，側式站臺擁有面積弗受軌道限制个優點，噶咾衹要周邊環境許可个說話，站臺無需更動現有軌道就可擴建，甚至可擴建成功雙島式同臺換乘站。

側式站臺个一大特色，就是站臺畀軌道分隔來，噶咾產生了乘客必須要利用行人天橋、地下道或車站大堂纔能往來兩隻站臺个缺點。

也有得擔側式站臺再劃分成功單線站臺搭相對式站臺兩種類个定義方式：單線站臺指垃路線當中衹有一隻側式站臺，而其他咾是相對式站臺。

側式疊式站臺是側式站臺个變種，擔同一路線个往返兩隻方向設置於上下立體交疊个兩隻側式站臺丄，欲乘搭相反向列車个乘客需要上下樓層纔好達到目的。