保大帝
保大帝（越南閒話：Vua Bảo Đại／𤤰保大，1913年10月22号－1997年7月30号），名阮福永瑞（越南閒話：Nguyễn Phúc Vĩnh Thụy／阮福永瑞），在位辰光名阮福晪（越南閒話：Nguyễn Phúc Thiển／阮福晪），是越南历史上着末一個王朝阮朝第13任、也是着末個君主，1926年到1945年在位。年号保大。渠个一生经历深受时代政治格局变迁个影响，在位二十年间無得幾許政治实权。
小辰光
[编辑]維新七年九月廿三（公曆1913年10月22號），廿八歲个奉化公阮福寶嶹个府妾黃氏菊拉順化皇城生下兩個人个獨養兒子阮福永𪇘[1]。1916年，法國殖民政府扶持阮福寶嶹繼位當大南皇帝，名字改成阮福晙，就是啟定帝，搭永𪇘賜名作阮福永瑞。[2]黃氏菊後末來拉1933年畀朝廷尊爲端徽皇太后。
箇辰光越南畀人拆成三部分：安南保護國（中圻）、東京保護國（北圻）搭交趾支那殖民地（南圻），加上法国拉中南半島另外个保護國（老撾、柬埔寨）組成法屬印度支那聯邦。阮朝拉名義丄繼續統治中圻搭北圻。
啟定七年四月初兩（1922年5月15號），9歲个阮福永瑞受封成爲「東宮皇太子」，[3]過了段辰光送到法國去，拉巴黎孔多塞高级中学搭巴黎政治學院讀書，前中圻欽使讓·弗朗索瓦·歐仁·夏爾（Jean François Eugène Charles）負責當值渠个生活。