余祭

余祭（－前544年），姓姬，《春秋左氏传·襄公三十一年》称之为戴吴，寿梦个倪子，诸樊个兄弟。前548年十二月，诸樊死脱，俚继承之王位，在位时间4年（前547年─前544年，《史记》作前547年─前531年，搿处从《左传》）。

在位期间碰着齐国相国庆封来投靠，就畀俚朱方县当奉邑，再拿囡鱼嫁畀俚，让俚变得比勒齐国个辰光更加富有。后来楚灵王召集诸侯攻打朱方，吴国反击个辰光占领之棘、栎、麻三城，之后楚国又攻打吴国两次，第一次打到雩娄，第二次勒干谿畀打败。

最后勒看船个辰光，畀越人俘虏当守门人杀脱哉。