伊拉克叛乱（2003—2011年）

伊拉克叛（bóe）乱（英语：Iraqi insurgency），指个是2003年入侵伊拉克，推翻萨达姆·侯赛因政府以後，伊拉克来勒接下来十年个大部分辰光里向各式各样个激进武装分子发动个战争，是伊拉克战争个一部分。伊拉有个是反抗联军个入侵，有个是趁机割据个私人民兵、恐怖分子。伊拉个目标是入侵伊拉克个多国部队搭仔多国部队建立个伊拉克新政府。一开始，伊拉克叛乱分子主要个袭击重点多国部队，後些来转向针对新成立个伊拉克安全部队。