伊戈尔·费奥多罗维奇·斯特拉文斯基

出自维基百科,自由个百科全书

伊戈尔·费奥多罗维奇·斯特拉文斯基(俄语:Игорь Фёдорович Стравинский,1882年6月17号-1971年4月6号),俄国-法国-美国作曲家、钢琴家搭指挥,20世纪现代音乐个传奇人物,革新过三个弗同个音乐流派:原始主义、新古典主义搭子序列主义。

斯特拉文斯基作曲风格有交关多个变化。渠最早因为谢尔盖·达基列夫委托个三部芭蕾舞剧而出名,而首演是由佳吉列夫个俄派芭蕾舞团拉巴黎首演:1910年个《火鸟》、1911年个《彼得鲁什卡》搭1913年个《春之祭》。其中个《春之祭》让后头个作曲者思考旋律个结构,也认为是让斯特拉文斯基有长久声誉个关键,革命性地拓展了音乐设计个边界。渠拉“俄国时期”个作品有《勒纳尔》、《士兵个故事》搭《婚礼》,弗过拉之后个1920年代渠个风格转变成新古典主义音乐,箇个时期个作品倾向使用传统个古典音乐型式(大协奏曲、赋格搭交响曲),使用交关多以前(特别是18世纪)个古典音乐风格。斯特拉文斯基拉1950年代转换为序列主义风格,渠箇个时期箇作品搭老早个作品有些共有个风格:富有节奏性、用一些二个音符或是三个音符个cell建构出延伸个音乐概念、搭拉音乐形式搭乐器学上个清晰明确。

影响[编辑]

斯特拉汶斯基是20世纪获得荣誉最多个音乐家之一。渠个作品拉全世界范围内盛演弗衰。渠托季贾列夫毕加索让·科克托等艺术家个交往也成为了艺术领域个一段佳话。斯特拉文斯基本人数量众多、风格迥异个作品也为当时个青年作曲家所广泛借鉴。