以色列历史

出自维基百科,自由个百科全书

以色列人个先祖是居住拉美索不达米亚哈兰地区个闪族人,后来因神亚伯兰(后改名为亚伯拉罕)个要求迁到“应许之地”个原故,迁居到迦南(Canaan),并结合当地个游牧文化,定居到约旦河西岸,就是乃朝希伯仑一带。

古代[编辑]

根据圣经个记载,以色列个先祖雅各领导也曾南下到上埃及尼罗河三角洲寄居四百三十年,直到公元前14世纪,伊拉才由摩西领导集体离开埃及,绕经西奈半岛四十年后,由约书亚带领过约旦河回到迦南定居。

摩西死后,约书亚便带领子民攻占耶利哥等原住民土地,并分派十二支派搭划分十二个领地。

大约公元前1050年开始,由士师时代转为以色列王国,拉联合王国辰光出现了三个国王:扫罗(Saul)、大卫(David)搭所罗门(Solomon)。

前586年南国犹大被新巴比伦王国灭脱,耶路撒冷沦陷后头,犹太人就大批个被掳到巴比伦。

巴比伦被波斯帝国灭脱以后(前539年),居鲁士二世下令犹太人可以回去重建家园,弗少犹太人就回到以色列地去。波斯日渐式微后,最后拉前332年失去以色列,以色列被亚历山大大帝实行希腊化统治。拉亚历山大大帝逝世以后,以色列被托勒密王朝统治。

前63年,庞培带兵攻占耶路撒冷,犹太人个独立结束。罗马帝国拉占领巴勒斯坦以后,庞培将军先立支持伊个许尔堪为犹太人个统治者,却弗立伊为王。

135年犹太人拉犹太行省个叛乱被镇压以后,罗马人奈所有犹太人由犹太行省驱逐出,同时奈该地重新命名为“巴勒斯坦”。

现代[编辑]

第一次世界大战之前,土耳其人拉巴勒斯坦地区生活,1914年第一次世界大战爆发后,由于奥斯曼帝国德意志帝国联盟,大英帝国利用阿拉伯人反抗土耳其,并承诺拉战后建立一个包括巴勒斯坦在内个阿拉伯独立王国。但同时,犹太人建国行动也得到英国个支持,于是英国政府背弃对阿拉伯人个承诺,由英国外相贝尔福于1917年11月发表一篇《贝尔福宣言》:英国政府赞成犹太人回归巴勒斯坦以建立一个民族国家,并努力促成迭一个目标个达成。

1947年联大通过分治计划开始,巴勒斯坦个动乱就开始扩大。

1948年5月14号英国终止对巴勒斯坦个托管,以色列立即于次日宣布建国,以本古里安为第一任总理。