亞歷山大·杜金

亞歷山大·杜金 (2018)

亞歷山大·杜金 （羅宋語：Алекса́ндр Ге́льевич Ду́гин，1962年1月7日生），羅宋政治理論家，哲學家，地政學者。杜金搭羅宋政府個強權搭軍隊有弗少關係，曾任重要人物個顧問。杜金個理論因類似法西斯主義蠻聞名，噶咾被西方民主國家學者批判，伊在政府里個地位經常被外媒誇大，顯得羅宋國意識形態搭自由民主水火不相容。

杜金個理論認為自由主義，共產主義，搭法西斯主義侪失敗，需要提出新個「第四政治理論」，昰理論基於馬丁·海德格個「此在」概念，崇拜人身外個原初秩序。杜金還講羅宋應該建構橫跨歐亞大陸個搭美國海洋強權對抗個陸地強權，反對西方國家對羅宋個封鎖搭敵對。杜金有傳統主義學派個影響，渠理論有神秘主義色彩，搭認為羅宋東正教搭斯拉夫人個原始宗教保存其他宗教丟失個「密教」真諦。