亚新生活广场

亚新生活广场是来勒中华人民共和国上海市普陀区长寿路丄个一座商场，本来是隻叫梅芳里个弄堂。1951年6月8号，上海市人民政府来勒箇埭成立上海第一隻居民委员会梅芳里居民委员会。亚新生活广场来勒1996年12月份造好开业个。箇爿商场由上海昆仑台湾商城有限公司帮新加坡台联商业投资股份有限公司经营，商场占地面积19000平方米，营业面积35000平方米，由六幢楼组成。後些来因为商场个硬件设施老化坏脱哉，装修风格老气，商业地位越来越低。2019年，伊曾计划重新调整商业模式搭仔定位，阿末呒没实施；2021年上海音像城关门以後，亚新生活广场引进“虬江路专区”尝试转型，必过也呒啥用。2023年，亚新生活广场启动新一轮改造升级，升级後个商场来勒2024年7月份开放。