镇是中国古代一系列重大名山个总称，是中国古代礼制里向个祭祀对象，跟五岳、四海、四渎一道叫“嶽鎮海瀆”。镇山个具体对象曾有变仔多趟，到宋元确立为五镇，分别是东镇沂山（来勒乃朝山东临朐）、西镇吴山（来勒乃朝陕西宝鸡）、南镇会稽山（来勒乃朝浙江绍兴）、北镇医巫闾山（来勒乃朝辽宁北镇）、中镇霍山（来勒乃朝山西霍州）。
