二级市场

来自维基百科
蹦到: 导航搜寻

二级市场是交易一眼已经发行个金融工具各市场,该些金融工具可以包括股票债券期权期货等等。二级市场也会得拨用来指称譬如房利美房地美个些抵押银行卖拨投资者个贷款

广义浪向,“二级市场”迭个词语也可以用来形容任何一种买卖二手货物、二手资产个市场,或者买方主要基于二级用途个市场(譬方讲传统浪向珍珠米齐是用来卖拨人搭畜生吃个,但弗过勒二级甚至三级市场里向,伊就会得卖拨乙醇生产企业)。

初级市场里向,证券搭另外个金融工具是初次发行个,投资者直接从发行者个垯买了证券个所有权。发行者可以是首次公开募股个公司,也可以是发行国债个政府机构。勒初级市场交易结束后,投资者可以勒二级市场购买所有权。

二级市场里向交易个资产有各种贷款、股票,有零散个也有集中个,有流动性弱个也有强个。各主要交易所齐是最显而易见个股票交易二级市场。纽约股票交易所伦敦股票交易所纳斯达克拨股票投资者提供了集中个、强流动性个二级市场。大多数个债券以及结构性产品齐通过场外市场交易,或通过交易所个经纪来买卖。贷款则有专门个网络贷款交易所。