乔治四世（英国）
乔治四世（英文：George Augustus Frederick，1762年8与12号-1830年6月26号）是19世纪早期统治英国替英国殖民地个英国国王。伊从1820年乔治三世死脱之后继位担当国王。弗过立在1811年开始，因为伊爹爹个精神毛病，伊就开始担当摄政王哉。乔治四世生活奢侈，对时尚有自家个品味，并且开创摄政时代个审美风潮。伊立在布莱顿修造王家穹顶宫，又改造白金汉宫，同时重新加固温莎城堡。此外，乔治四世还是英国国家画廊替伦敦大学国王学院个创立人。
继承人问题
[编辑]乔治四世个爸爸乔治三世合法子女邪气多，弗过乔治四世自家却搭老婆关系搭僵，只有夏洛特公主一个囡儿，迭个心头肉，到1817年也立在远嫁比利时萨克森个利奥波德之后难产死脱，所以，英国王位个继承就出现问题。因为乔治四世几个弟兄侪无安于居家个，到头来，到1820年代，一群四五十岁个人，侪立在忙结婚，生后代。结果，乔治四世个阿弟威廉四世得到女儿（后势来个维多利亚女王），所以，1830年7月乔治四世立在温莎城堡驾崩个辰光，就让自家阿弟即位，成为威廉四世，又过脱几年，年岁不低个威廉四世也死脱，维多利亚正式即位，开创维多利亚时代。