乌拉圭战争

吴语维基百科,自由个百科全书
跳到导航 跳到搜索

乌拉圭战争(1864年8月10号 - 1865年2月20号)是本生发生在乌拉圭执政党白党(西班牙语:Partido Blanco)替红党(西班牙语:Partido Colorado)之间个一场战争,因为阿根廷巴西巴拉圭等国先后卷入,成为著一场国际战争。

自从拉普拉塔总督辖区解体以来,阿根廷搭乌拉圭便一直内战。当时辰光阿根廷个总统是集权派(西班牙语:Partido Unitario)个巴托洛梅·米特雷,渠支持乌拉圭个红党,外加希望好担乌拉圭并入阿根廷势力范围;反对布宜诺斯艾利斯集权个各省领导人则组成著联邦派(西班牙语:Partido Federal)。在乌拉圭,两党竞争一直邪气激烈,虽然一度也组成著联合政府,但是1863年红党领导人维南西奥·弗洛雷斯叛变,乌拉圭内战爆发。朝后,阿根廷总统米特雷调一批派志愿军搭著补给物资畀红党进攻白党个政府;白党一方面得著阿根廷联邦派个支持,另一方面貤寻巴拉圭个独裁执政官弗朗西斯科·索拉诺·洛佩斯相帮,逐眼同盟建立起。

1864年个春天,巴西派出何塞·安东尼奥·萨赖瓦调停乌拉圭两党,但是白党个新首领阿塔纳西奥·阿吉雷在8月份拒绝爻最后通牒。巴西军队后首来介入战争,一路攻城拔寨,直捣乌拉圭个首都蒙得维的亚。另外一条战线上向,巴拉圭军队越过阿根廷领土进攻巴西,引发著迄今为止南美洲历史上顶大规模个战争——巴拉圭战争(也䜒“三国同盟战争”)。箇边厢,畀围困在许蒙得维的亚个白党最终于1865年2月投降,结束著乌拉圭战争。