中山传信录

出自维基百科,自由个百科全书

中山传信录》是中国清代徐葆光撰写个琉球国史书,拢共六卷,附《中山赠送诗文》一卷。

徐葆光于康熙五十八年(1719年)六月奉命出使琉球,至翌年(1720年)二月回国。八个号头里向,渠搜集资料,游览山海,观文风俗,编录成书。本书对研究琉球政治、社会、风俗、文化,搭著中琉关系,侪有邪气高个参考价值。

出版之后呒没几许辰光,就传到日本,有著日语版。渠搭《琉球国志略》一淘成为日本人当时一径到明治初年了解琉球情况顶主要个来源。江户时代个传奇小说《椿说弓张月》活用了本书记载个琉球人名、地名搭历史事件。

本书引用程顺则个《指南广义》,说明福州到那霸个航线,明确八重山群岛“乃琉球极西南属界也”。钓鱼臺列屿来拉八重山北面,清-琉分界在于“西南方界”久米岛。明治十八年(1885年),日本内务省密令冲绳县厅调查福州、琉球之间个无人岛,並建立国标。冲绳县令调查后回覆,箇眼无人岛屿“与《中山传信录》中所载之钓鱼臺、黄尾屿、赤尾屿相同,无置疑之处也……勘察之后即立标桩,恐有所不妥。”


维基文库里向有关个原始文献: